ایک نیوز: تھانہ چھانگا مانگا کی حدود میں رات ڈکیتی کی بڑی واردات رونما ہوئی۔ 5 مسلح ڈاکوؤں نے تھانہ چھانگا مانگا سے 1کلومیٹر کے فاصلے پر مسافروں کو لوٹ لیا۔ ڈاکوؤں نے اسلحہ کے زور پر کار موٹر سائیکل مسافروں کو روک کر لوٹ مار کی۔
بتایا گیا ہے کہ ڈاکوؤں نے باراتیوں سے بھری بس کو بھی لوٹا۔ ڈاکو خواتین کے ہاتھوں اور کانوں سے طلائی زیورات بھی لوٹ کر فرار ہوگئے۔ جس کے بعد متاثرین نے پولیس کے خلاف چھانگا مانگا چونیاں روڈ بلاک کر کے احتجاج کیا۔
ایس ایچ او چھانگا مانگا نے احتجاج کرنے والے متاثرین سے دوگھنٹے تک مذاکرات کیے۔ متاثرین کا کہنا تھا کہ پولیس تھانہ چھانگا مانگا کے قریب روڈ ڈکیتی کرنااور ملزمان کا فرار ہونا قابل افسوس ہے۔
پولیس نے متاثرین کو ملزمان کی جلد گرفتاری اور لوٹی ہوئی رقم واپس دلانے کی یقین دہانی کروائی جس پر احتجاج ختم کردیا گیا۔