ایک نیوز نیوز:پاکستان تحریک انصاف کی سینئر رہنما اور سابق وفاقی وزیر فردوس عاشق اعوان کی والدہ انتقال کرگئیں۔
تفصیلات کے مطابق رہنما پاکستان تحریک انصاف ڈاکٹر فردوس عاشق اعوان کی والدہ انتقال کرگئیں۔ بتایا گیا ہے کہ وہ سیالکوٹ میں گزشتہ کافی عرصے سے علیل تھیں۔ابق وفاقی وزیر ڈاکٹر فردوس عاشق اعوان کی والدہ کی نماز جنازہ ادا کردی گئی،تدفین کے لیے مرحومہ کی میت آبائی علاقے سیالکوٹ روانہ کر دی گئی۔ نماز جنازہ امام بارگاہ امام الصادق اسلام آباد میں ادا کی گئی۔ نماز جنازہ میں ارکان اسمبلی سیاسی رہنما ،صحافی اور وکلا سمیت مختلف شعبوں سے تعلق رکھنے والے افرادنے شرکت کی۔
بتایا گیا ہے کہ وہ گزشتہ چند دنوں سےہسپتال میں زیر علاج تھیں۔ جہاں انہوں نے آج زندگی کی آخری سانسیں لیں۔
فردوس عاشق اعوان کی والدہ کی دوسری نماز جنازہ کل صبح 11 بجے سیالکوٹ کوبے چک میں بھی ادا کی جائےگی۔ ڈاکٹر فردوس عاشق اعوان کی والدہ کی تدفین کل کوبے چک سیالکوٹ میں کی جائےگی۔