ایک نیوز نیوز: سعودی وزارت حج و عمرہ نے سستے اور آسان طریقہ کار پر مبنی عمرہ ویزا ’’ پرسنل وزٹ ویزا‘‘کے نئے طریقہ کار کا اعلان کردیا۔
العربیہ کی رپورٹ کے مطابق ’’پرسنل وزٹ ویزا‘‘طریقہ کے تحت تمام سعودی شہریوں کے لیے ممکن ہے کہ وہ اپنے دوستوں کو مملکت میں عمرہ کرنے کی دعوت دیں ۔ اس کا مقصد دنیا کے مختلف ممالک میں مسلمانوں کو خدا کے مقدس گھر کی زیارت کی سہولیات فراہم کرنا ہے۔
سعودی وزارت حج و عمرہ کی طرف سے جاری کردہ تفصیل کے مطابق پرسنل وزٹ ویزے کے تحت ایک ہی وقت میں کئی مہمانوں کے لئے ایک سے زیادہ درخواستیں جمع کرائی جاسکتی ہیں، کئی مرتبہ یا بار سعودیہ کادورہ کیاجاسکتا ہے جبکہ ، عمرہ کے مناسک ادا کرنے کے ساتھ، مسجد نبوی ﷺ، مذہبی مقامات اور تاریخی مقامات کا دورہ اور ساتھ ہی اسی ویزا پر سعودی عرب کے کسی بھی علاقے کی سیر کرنےجیسی سہولیات شامل ہیں۔ ایک ہی سفر کیلئے اس ’’پرسنل وزٹ ویزا‘‘ کی معیاد 90 دن ہے۔ ملٹی انٹری ویزا کی معیاد 365 دن ہے اور اس میں قیام کی مدت 90 دن ہے۔
وزارت خارجہ نے کہا کہ ویزا کے لیے درخواست ویزا پلیٹ فارم کی ویب سائٹ پر آسان الیکٹرانک اقدامات کے ذریعے دی جائے گی۔
انہوں نے وضاحت کی کہ سعودی عرب کے شہری اپنے دوستوں کو سعودی عرب آنے اور عمرہ کرنے کی دعوت وزارت خارجہ میں ویزہ پلیٹ فارم پر ذاتی دورے کی درخواست جمع کرا کر اور "وزٹ" کے لیے درخواست کے ذریعے دے سکتے ہیں۔ متحد قومی رسائی پلیٹ فارم کے ذریعے لاگ ان کریں اور ان لوگوں کا ڈیٹا فراہم کریں جن کو مدعو کیا جانا ہے۔ ذاتی دورے کی درخواست کرکے اور ضروری اقدامات کی منظوری دے کر آگے بڑھیں۔ اس کے بعد درخواست پر کارروائی کی جائے گی اور ذاتی وزٹ ویزا دستاویز جاری کی جائے گی جس کا ڈیٹا "دعوت نامہ کی درخواست" انکوائری سروس کے ذریعے دیکھا جا سکتا ہے۔