ایک نیوز نیوز: شادی کی تقریب کسی بھی نوجوان کی زندگی کا بہترین اور خوشگوار لمحہ ہوتا ہے۔ جسے وہ ہمیشہ یاد رکھتا ہے۔ لیکن کبھی کبھار کسی ناخوشگوار واقعے کی وجہ سے یہ تاریخی لمحہ بھیانک خواب میں تبدیل ہوجاتا ہے۔
تفصیلات کے مطابق ایسا ہی ایک واقعہ بھارت کے شہر نئی دہلی میں پیش آیا۔ جہاں دلہا اور دلہن میں شادی کے سٹیج پر ہاتھاپائی ہوگئی اور اس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ دلہا زبردستی دلہن کو مٹھائی کھلارہا ہے۔ جس کے بعد دونوں میں ہاتھا پائی شروع ہوگئی۔ جو دیکھتے ہی دیکھتے تھپڑوں اور گھونسوں میں تبدیل ہوگئی۔
Kalesh B/w Husband and Wife in marriage ceremony pic.twitter.com/bjypxtJzjt
— Ghar Ke Kalesh (@gharkekalesh) December 13, 2022
ایک سوشل میڈیا صارف کی جانب سے یہ ویڈیو سماجی رابطوں کی ویب سائٹ ٹوئٹر پر شیئر کی گئی جسے اب تک ہزاروں صارفین دیکھ چکے ہیں۔
جھگڑے کا آغاز دلہا کی جانب سے زبردستی دلہن کو مٹھائی کھلانے سے ہوا۔ جس پر دلہن نے دلہا کو زوردار تھپڑ رسید کردیا۔ اس کے جواب میں دلہا کو بھی غصہ آیا دونوں کے درمیان تھپڑوں اور گھونسوں کا تبادلہ ہونے لگا۔