ایک نیوز:تحریک انصاف کے وائس چیئرمین شاہ محمود قریشی کو سائفر کے کیس میں انکی رہائش گاہ سے گرفتار کرلیاگیا۔
ذرائع کا کہنا ہے کہ شاہ محمود قریشی کو اسلام آباد میں ان کی رہائشگاہ سے پولیس کی بھاری نفری نے گرفتار کیا ۔شاہ محمود قریشی کو ایف آئی اے ہیڈ کوارٹر منتقل کر دیا گیا۔
ایف آئی اے ذرائع کے مطابق سابق وزیرخارجہ شاہ محمود قریشی پر امریکی وفد سے خفیہ ملاقات کرنے کا الزام ہے۔ایف آئی اے کی ٹیم شاہ محمود قریشی کے حوالے سے تحقیقات کر رہے ہیں۔تحقیقات میں اہم شواہد سامنے آنے پر شاہ محمود قریشی کو گرفتار کیا گیا۔
واضح رہے کہ وائس چیئرمین تحریک انصاف شاہ محمود قریشی 2بار سائفر تحقیقات میں ایف آئی اے پیش ہوئے۔ سائفر سے متعلق بیان ریکارڈ کروا چکے ہیں۔
خیال رہے کہ کچھ دیر قبل شاہ محمود قریشی نے نیشنل پریس کلب اسلام آباد میں پریس کانفرنس کی تھی اور اعلان کیا تھاکہ 90 دن میں انتخابات اورمردم شماری سے متعلق مشترکہ مفادات کونسل (سی سی آئی) کے فیصلوں کو سپریم کورٹ میں چیلنج کیا جائے گا۔