ایک نیوز: میکسیکو سے ٹکرانے والا سمندری طوفان ہیلری امریکا کے لیے خطرہ بن گیا ہے۔
رپورٹ کے مطابق سمندری طوفان ہیلری تیزی سے کیٹیگری 4میں تبدیل ہو رہا ہے، نیشنل ویدر سروس نے اگلے دو روز تک 117 کلومیٹر فی گھنٹہ کی رفتار سے ہوائیں چلنے کی پیشگوئی کی ہے۔ سمندری طوفان ہیلری سے جنوبی کیلیفورنیا میں بڑے پیمانے پر سیلاب کا بھی خدشہ ہے۔طوفان شدید بارشوں کے ساتھ کل تک کیلیفورنیا پہنچ جائے گا۔ کیلیفورنیا، نیواڈا اور ایریزونا کی ریاستوں میں شدید بارشوں اور سیلاب کا الرٹ جا ری کر دیا گیا۔
غیر ملکی میڈیا کے مطابق کیلیفورنیا نے پچھلے 84 برس میں اس طرح کے سمندری طوفان کا سامان نہیں کیاہے۔ امریکی صدر جو بائیڈن کا کہنا ہے کہ فیڈرل ایمرجنسی مینجمنٹ ایجنسی طوفان سے نمٹنے کے لیے ساز و سامان سے لیس اور پوری طرح تیار ہے۔ امریکی صدر نے طوفان کے راستے میں آنے والے شہریوں کو احتیاطی تدابیر اختیار کرنے کی بھی ہدایت کی۔
ہلیری کے جنوبی کیلیفورنیا اور جنوب مغرب کے کچھ حصوں تک پہنچنے سے پہلے کافی حد تک کمزور ہونے کی توقع ہے لیکن اس کی طاقت سے قطع نظر، طوفان بھاری بارش کو بڑھا دے گا اور سیلاب کے خطرے کو بڑھا دے گا۔موسلا دھار بارش کا اثر جنوب مغربی ہفتہ اور اگلے ہفتے کے اوائل میں شروع ہوگا، اتوار اور پیر کو شدید ترین بارشوں کا امکان ہے۔