ایک نیوز نیوز: اپنے گانوں ' ہاو یو لائیک دیٹ'، 'آئس کریم' اور ،لوسک گرلز' کو ریلیز کرنے کے دو سال بعد، کے پاپ گرل گروپ بلیک پنک نے اپنے آنے والے البم بارن پنک سے پہلے سنگل 'پنک وینم 'کی ویڈیو ریلیز کر کے مداحوں کے دل جیت لئے۔
میوزک وڈیو کا آغاز جسو کے ایک انسٹرومنٹ بجانے سے ہوتا ہے اور پھر پیچھے سے دھماکہ دار آواز کے ساتھ گروپ کی باقی لڑکیاں پرفارم کرتی ہوئی سامنے آتی ہیں۔ جینی زور دار آواز سے گانا گانا شروع کرتی ہیں اور پھر لزا سر لگاتی ہیں جسے روز انتہا تک لے جاتی ہیں۔ ویڈیو کے ریلیز ہونے کے تین گھنٹوں کے اندر 2 کروڑ افراد نے اسے ویو کیا۔
مداحوں نے ٹوئٹر پر ویڈیو کی بہت تعریف کی اور کہا کہ یہ پرفیکٹ ہے اور اس میں ہر وہ چیز ہے جسے وہ چاہتے تھے۔
گروپ کا البم بارن پنک 16 ستمبر کو ریلیز ہو گا۔ اس کے بعد گروپ ورلڈ ٹور شروع کرے گا، جس کا آغاز 15 اکتوبر کو سئیول سے ہو گا۔
گروپ کا آغاز 2016 میں ہوا تھا اور اس کے چار ممبرز ہیں، جن میں لزا، جینی، جسو اور روز شامل ہیں۔