ایک نیوز نیوز: پاکستان کے مختلف شہروں میں انٹرنیٹ سروسز ڈاؤن ہونے پر "پی ٹی سی ایل" ٹویٹر پر ٹاپ ٹرینڈ بن گیا۔
سوشل میڈیا صارفین کی جانب سے انٹرنیٹ سروسز ڈاؤن ہونے پر سماجی رابطوں کی ویب سائٹ پر شدید ردعمل کا اظہار کیا گیا۔ صورت حال پر پی ٹی اے کی جانب سے ٹویٹ کیا گیا ہے کہ پی ٹی سی ایل کی طرف سے شمال اورجنوبی علاقوں میں انٹرنیٹ کا مسلئہ رپورٹ ہوا ہے جس کی تحقیقات کی جارہی ہیں۔
پاکستان ٹیلی کمیونکیشن کمپنی لمیٹڈ کی جانب سے کہا گیا ہے کہ تکنیکی خرابی کی وجہ سے انٹرنیٹ سروس بند رہی ہے۔
رپورٹ کے مطابق پی ٹی سی ایل براڈ بینڈ کے علاوہ موبائل فون سروس کمپنی یوفون اور اسٹارم فائبر کی انٹرنیٹ سروس بھی متاثر ہوئی ہیں۔
سوشل میڈیا ویب سائٹ ٹوئٹر پیغام میں پاکستان ٹیلی کمیونکیشن اتھارٹی نے بتایا ہے کہ پی ٹی سی ایل کی جانب سے اطلاع دی گئی ہے کہ پاکستان کے جنوبی اور شمالی علاقوں میں ڈیٹا نیٹ ورکس میں مسئلہ پیدا ہوا ہے جس کی وجہ سے انٹرنیٹ کنیکٹیویٹی میں مسائل پیدا ہو رہے ہیں۔
As reported by PTCL, issue has been reported in data networks between South and North which is causing internet connectivity issues.
— PTA (@PTAofficialpk) August 19, 2022
This issue is being investigated. PTA is monitoring the situation and further updates will be shared.
پی ٹی اے نے مزید کہا کہ کہ اس معاملے کی تحقیقات کی جا رہی ہے پی ٹی اے کی جانب سے صورتحال پر نظر رکھے ہوئے ہے۔
ٹوئٹر پر پی ٹی سی ایل نے انٹرنیٹ میں خرابی کی وضاحت کرتے ہوئے کہا ہے کہ شدید بارشوں اور سیلاب کی وجہ سے پی ٹی سی ایل کے آپٹیکل فائبر نیٹ ورک کو کچھ تکنیکی مسائل کا سامنا ہے۔
Due to heavy rains and floods, PTCL's optical fiber network is experiencing some technical faults. As a result, PTCL users in Northern and Central regions are facing Internet outage. Our teams are working to restore the services on priority.
— PTCL (@PTCLOfficial) August 19, 2022
کمپنی کا کہنا ہے کہ بارشوں کی وجہ سے شمالی اوروسطی ریجن میں رہنے والوں کو انٹرنیٹ کی بندش کا سامنا کرنا پڑ رہا ہے۔پی ٹی سی ایل کا مزید کہنا تھا کہ ہماری ٹیمیں سروسز کو ترجیحی بنیادوں پر بحال کرنے کی کوشش کررہی ہیں۔