ایک نیوز:شورکوٹ کی سیاسی شخصیت مادھولال سیال مسلم لیگ (ق) میں شامل ہوگئے۔
مادھولال سیال کی چوہدری شجاعت حسین سے لاہور میں ملاقات ہوئی، جہاں مسلم لیگ (ق) کے سربراہ نے انہیں پارٹی میں خوش آمدید کہا۔
سربراہ ق لیگ چودھری شجاعت حسین کاکہنا تھا کہ میاں مادھولال سیال کو پارٹی میں خوش آمدید کہتے ہیں۔ ہماری جماعت جنوبی پنجاب میں سرپرائز دے گی، پارٹی میں قابل اور اہل افراد کو آگے لایا جائے گا۔
چودھری شجاعت حسین سے ملاقات کے دوران سابق گورنر پنجاب چوہدری سرور اور چوہدری شافع حسین بھی موجود تھے۔
صدر مسلم لیگ ق پنجاب چودھری سرور کاکہنا تھا کہ پنجاب میں تنظیم سازی کا عمل مکمل ہوگیا ہے، الیکشن میں اچھے اور مضبوط امیدوار سامنے لائیں گے۔