ایک نیوز:مسلم لیگ ن کی چیف آرگنائزرمریم نواز کاکہنا ہے کہ 21 اکتوبر کو عوام نواز شریف کا تاریخی استقبال کرکے پاناما اور اقاما کے ڈرامہ سازوں کو ہمیشہ کے لئے دفن کر دیں گے۔
https://www.pnntv.pk/uploads/digital_news/2023-09-18/news-1695042720-4878.mp4
مریم نواز شریف کی زیر صدارت پاکستان مسلم لیگ (ن) پنجاب کا گرینڈ مشاورتی اجلاس ہوا جس میں پاکستان مسلم لیگ (ن) کے قائد محمد نواز شریف نے وڈیو لنک کے ذریعے اجلاس میں شرکت کی۔نواز شریف کے اجلاس میں شرکت پر شرکاء نے کھڑے ہو کر اور بھرپور تالیوں سے اپنے قائد کا استقبال کیا ۔
پاکستان مسلم لیگ (ن) کے نائب صدر حمزہ شہباز شریف، سیکریٹری جنرل احسن اقبال، پنجاب کے صدر رانا ثنا اللہ خاں، پنجاب سے سابق ارکان قومی و صوبائی اسمبلی اور ٹکٹ ہولڈرز،پنجاب کے پی پی سطح کے تمام ڈویژنز اور اضلاع کے عہدیدار بھی اجلاس میں شریک ہوئے ۔
مریم نوازشریف نے اجلاس کو قائد نوازشریف کی واپسی کے حوالے سے تیاریوں پر بریفنگ دی ۔
مریم نواز کا اجلاس سے خطاب کرتے ہوئے کہنا تھاکہ قائد نواز شریف کے استقبال کے لئے پارٹی کے مرکزی سیکرٹریٹ میں 'سینٹرل فسیلی ٹیشن کنٹرول سینٹر' قائم کر دیا گیا۔ پی پی، وارڈ، ڈویژن، ضلع اور تحصیل کی سطح پر تیاریوں اور تنظیمی اشتراک عمل کے بارے میں تفصیلات سے آگاہ کیا۔
مریم نواز کاکہنا تھاکہ'سینٹرل فسیلی ٹیشن کنٹرول سینٹر' قائد نواز شریف کے استقبال کے حوالے سے مرکزی کردار ادا کرے گا۔
سابق وزیراعلیٰ حمزہ شہبازشریف کاکہنا تھاکہ نوازشریف نے زخم کھا کر بھی پاکستان کے زخموں پر مرہم رکھا ہے۔نوازشریف نے پاکستان کو ایٹمی ملک بنایا، آج اسے بھکاری ملک بنادیا گیا جو باعث شرم ہے۔نوازشریف کو وزیراعظم بناکر عوام اپنے بچوں کا مستقبل محفوظ بنائیں گے۔نوازشریف کے وزیراعظم بننے کا مطلب مہنگائی کے عذاب کم کرنا ہے۔قائد نوازشریف کا استقبال کریں گے، ترقی اور خوش حالی کا استقبال کریں گے۔کسان ، محنت کش، دیہاڑی دار، طالب علم، استادسب نوازشریف کی راہ دیکھ رہے ہیں
حمزہ شہبازکامزید کہنا تھاکہقوم کو سوال پوچھنا چاہیے کہ نوازشریف کے دور کے بعد مہنگائی کیوں ہوئی؟ نوازشریف نے عوام کو ریلیف دیا تھا، پھر کس نے عوام کو تکلیف دی ؟
سابق وفاقی وزیر احسن اقبال کا اجلاس سے خطاب کرتے ہوئے کہنا تھاکہ نواز شریف کی قیادت میں 2013 سے 2018 پاکستان کی تیز ترین ترقی کا دور تھا۔پاکستان کی ترقی کے عمل کو ایک سازش کے تحت روکا گیا۔نواز شریف ہی نہیں، پاکستان کی ترقی، سی پیک اور پاکستان کے دوست ممالک کے خلاف بھی سازش ہوئی۔عوام کا مضبوط مینڈیٹ پاکستان کے خلاف ہونے والی سازش کے اثرات ختم کرنے میں مددگار ثابت ہو گا۔
سابق وزیرداخلہ رانا ثنا اللہ کاکہنا تھا کہ نوازشریف کی سیاست پاکستان کی ترقی اور عوام کی خوش حالی ہے۔نوازشریف کے خلاف سازش اصل میں عوام اور پاکستان کے خلاف سازش ہوتی ہے۔جب پاکستان ترقی کرتا ہے، اسے گرایا جاتا ہے۔پاکستان کی ترقی سے چند کرداروں کو تکلیف ہوگئی۔نوازشریف حکومت ختم نہ ہوتی تو مہنگائی ختم ہوچکی ہوتی۔جمہوریت ناکام نہیں ہوئی، جمہوریت کو ناکام بنایا گیا۔سازش نہ ہوتی تو آج پاکستان بھیک مانگنے پر مجبور نہ ہوتا۔پاکستان لوٹنے والے صداقت اور امانت کے سرٹیفکیٹ بانٹتے رہے۔
راناثناللہ کاکہنا تھاکہ قوم نوازشریف کا استقبال کرکے پاکستان کی ترقی کے ایجنڈے کا ساتھ دے گی۔نوازشریف کا استقبال معیشت تباہ اور عوام کو مہنگائی کے دکھ دینے والے سیاہ کرداروں کی مذمت کا دن ہوگا۔