ایک نیوز نیوز:قومی ٹیم کے فاسٹ بولر شاہ نواز دھانی اور نسیم شاہ کی سندھی گانا گاتے ہوئے سوشل میڈیا پر ویڈیو وائرل ہوگئی ۔
تفصیلات کے مطابق نسیم شاہ اور شاہ نواز دھانی سندھی گانا گا کر مداحوں کو خوب محظوظ کررہے ہیں ان کی یہ ویڈیو دیکھتے ہی دیکھتے سوشل میڈیا پر وائرل ہوگئی ۔ ویڈیو میں دونوں فاسٹ بولرز انتہائی خوشگوار موڈ میں دکھائی دے رہے ہیں ویڈیو میں دیکھا جاسکتا ہے کہ شاید نسیم شاہ کیلئے سندھی زبان کے الفاظ تھوڑے سے اجنبی محسوس ہورہے ہیں جس کی وجہ سے وہ گانا گاتے ہوئے ہنس بھی دیتے ہیں ۔
شاہ نواز دھانی کی تو مختلف ویڈیوز پہلے بھی وائرل ہوچکی ہیں ۔ کہیں دھانی اپنے ساتھ کھلاڑیوں کو مٹھائی کھلاتے اور کہیں کرسیاں صاف کرتے بھی دیکھے جا چکے ہیں۔
واضح رہے کہ سوشل میڈیا پر نسیم شاہ کو افغانستان کے خلاف دو چھکے لگا میچ جتوانے کی وجہ خوب پذیرائی ملی ہے ۔ان کے انسٹا گرام پر فالوورز کی تعداد 10 لاکھ تک پہنچ گئی ہے ۔ایک رپورٹ کے مطابق ایشیا کپ سے قبل نسیم شاہ کے انسٹاگرام فولورز کی تعداد 4 لاکھ تھی جو کہ اب 1 ملین ہو چکی ہے۔