ایک نیوز:لیسکو کے پانچوں اضلاع میں بجلی چوروں کیخلاف آپریشن 41ویں روز بھی جاری جس میں مزید366بجلی چور پکڑے گئے ہیں۔
تفصیلات کے مطابق لیسکو حکام کی جانب سے انسداد بجلی چوری مہم جاری گزشتہ 24 گھنٹو ں کے دوران بجلی چوری میں ملوث40افراد کو گرفتار کرلیا گیا ہے،ریجن بھر میں 366کنکشنز بجلی چوری میں ملوث پائے گئے۔
ترجمان لیسکو کا کہنا ہے کہ 188ملزمان کے خلاف ایف آئی آرز رجسٹرڈ ہو ئیں،پکڑے جانے والے کنکشنز میں کمرشل13، زرعی1اور352 ڈومیسٹک تھے۔ تمام کنکشنز منقطع کرکے ان کو5 لا کھ 41 ہزار775یونٹس ڈٹیکشن بل کی مد میں چارج کئے گئے ہیں جن کی مالیت 2کروڑ99 لاکھ 89 ہزار328 روپے ہے۔
ترجمان لیسکو کا کہنا ہے کہ نواں کوٹ کے علاقے میں کنکشن کو25لاکھ روپے کا جرمانہ کیا گیا،شاہدرہ ٹاؤن کے علاقے میں کنکشن کو840000روپے کا جرمانہ کیا گیا،شاہدرہ کے علاقے میں 400000 روپے کا جرمانہ کیا گیا۔
شاہدرہ کے علاقے قاسم پارک میں ایک کنکشن کو350000رقم چارج کی گئی ہے۔ 41 روزسے جاری آپریشن کے دوران کل5965 ملزمان کو گرفتار کیا گیا،ترجمان 18892 کنکشن بجلی چوری میں ملوث پائے گئے، 17787درخواستیں رجسٹرڈ ہو چکی ہیں۔
ترجمان لیسکو کا کہنا ہے کہ بجلی چوروں کو اب تک 3 کروڑ83لاکھ 20ہزار804یونٹس چارج کئے گئے ہیں جن کی قیمت ایک ارب 73کروڑ2 لاکھ 42 ہزار756 روپے ہے۔