ایک نیوز :پی ایس ایل8 کے فائنل میں شاہین آفریدی کی آل راؤنڈر کارکردگی کے باعث قلندرز نے مسلسل دوسرے فائنل میں رضوان الیون کو1رنز سے شکست دی۔
پاکستان سپر لیگ (پی ایس ایل) کے آٹھویں ایونٹ کے فائنل میچ میں شاہین شاہ آفریدی کی جارحانہ بیٹنگ ، زبردست باؤلنگ اور شاندار قیادت کے باعث لاہور قلندرز نے ملتان سلطانز کو پچھاڑ کر مسلسل دوسری مرتبہ ٹائٹلز اپنے نام کر لیا۔
— Lahore Qalandars (@lahoreqalandars) March 18, 2023
قذافی سٹیڈیم لاہور میں ہونے والے پاکستان سپر لیگ کے فائنل میچ میں لاہور قلندرز کے کپتان شاہین شاہ آفریدی نے حریف ٹیم کے خلاف ٹاس جیت کر پہلے بیٹنگ کا فیصلہ کیا۔ میچ کی خاص بات یہ بھی تھی کہ 24 ہزارشائقین کرکٹ نے میچ دیکھا۔
ہدف کے تعاقب میں ملتان سلطانز کی طرف سے اننگز کا آغاز عثمان خان اور کپتان محمد رضوان نے کیا، دونوں نے ابتداء جارحانہ انداز اپناتے ہوئے حریف باؤلرز کو تگنی کا ناچ نچایا۔
ملتان سلطانز کو پہلا نقصان 4 ویں اوورز میں اٹھانا پڑا، جب عثمان خان 41 کے مجموعی سکور پر 12گیندوں پر 18 سکور بنا کر آؤٹ ہوئے۔
اس کے بعد روسو نے محمد رضوان کے ساتھ ملکر سکور کو تیزی سے آگے بڑھایا، اس دوران دونوں کے درمیان 42 گیندوں پر 64 سکور کی پارٹنر شپ بنائی، 10 ویں اوورز میں 105 کے مجموعی سکور پر روسو 32 گیندوں پر 52 رنز کی باری کھیل کر چلتے بنے۔ راشد خان نے وکٹ حاصل کی۔
محمد رضوان کی اننگز کا خاتمہ راشد خان نے کیا، کپتان نے 23 گیندوں پر 34 رنز کی باری کھیلی۔ کیرن پولارڈ کی اننگز 16 گیندوں پر 19 سکور پر ختم ہوئی، شاہین شاہ آفریدی کی گیند پر فخر زمان نے کیچ تھاما۔
ٹم ڈیوڈ کی باری 16 گیندوں پر 20 رنز پر ختم ہو گئی، شاہین شاہ آفریدی کے حصے میں وکٹ آئی، انور علی ایک سکور پر کپتان کی گیند پر بولڈ ہو گئے۔ اس سے اگلی ہی گیند پر اُسامہ بھی کریز چھوڑ گئے، کپتان لاہور قلندرز کی گیند پر حارث رؤف نے کیچ تھاما۔
???? TOSS UPDATE ????@lahoreqalandars elect to bat.
— PakistanSuperLeague (@thePSLt20) March 18, 2023
Follow ball-by-ball updates: https://t.co/CT8w7CIWEr#HBLPSL8 | #SabSitarayHumaray | #MSvLQ pic.twitter.com/jsW38DDaar
19 اوورز میں عباس آفریدی نے جارحانہ انداز میں بیٹنگ کی اور حارث رؤف کو ایک اوورز میں 21 رنز کی پٹائی برداشت کرنا پڑی۔ عباس آفریدی نے 6 گیندوں پر 17 رنز بنائے۔ تاہم آخری اوورز میں زمان خان نے اعصاب شکن میچ میں ایک سکور سے ملتان سلطانز کو پچھاڑ دیا، ملتان سلطانز نے مقررہ اوورز میں 199 رنز بنائے۔ شاہین شاہ آفریدی نے چار شکار کیے، راشد خان نے دو وکٹیں حاصل کیں۔
لاہور قلندرز کی جانب سے اننگز کا آغاز فخر زمان اور مرزا بیگ نے کیا، دونوں نے ابتداء سے ہی جارحانہ انداز میں کھیلنا شروع کیا۔ مرزا طاہر بیگ کی اننگز کا خاتمہ احسان اللہ نے کیا، بیٹر نے 18 گیندوں پر 5 چوکے اور ایک چھکے کے ساتھ 30 سکور کی باری کھیلی۔
اس دوران فخر زمان نے کچھ مزاحمت کی کوشش کی اور چند بڑے شارٹس کھیلے تاہم اوپنر اسامہ میر کی گیند پر عثمان خان کو کیچ دے بیٹھے، آؤٹ ہونے سے قبل انہوں نے 34 گیندوں پر 39 سکور کی باری کھیلی تھی۔
اُسامہ میر نے اس سے اگلے اوور میں لاہور قلندرز کے دو کھلاڑیوں احسن حفیظ اور سیم بلنگز کو چلتا کیا، دونوں نے بالترتیب 0 اور 9 رنز بنا کر واپس گئے۔
14 ویں اوورز میں سکندر رضا 1 سکور پر خوشدل شاہ کی گیند پر بولڈ ہو گئے۔ اسی دوران عبد اللہ شفیق نے جارحانہ بیٹنگ کی لاہور قلندرز کو مشکل وقت سے نکالا، ان کی باری کا اختتام انور علی نے کیا، بیٹر نے 40 گیندوں پر 65 سکور بنائے، اس باری میں انہوں نے 8 چوکے اور دو چھکے لگائے۔
اسی دوران لاہور قلندرز کے کپتان شاہین شاہ آفریدی نے حریف باؤلرز کو تگنی کا ناچ نچا دیا، انہوں نے محض 15 گیندوں پر 44 رنز کی طوفانی باری کھیلی، اس اننگز میں انہوں نے 5 چھکے اور دو چوکے بھی لگائے۔
لاہور قلندرز نے مقررہ اوورز میں 200 رنز بنائے، اُسامہ میر نے تین جبکہ خوشدل شاہ، احسان اللہ اور انور علی نے ایک ایک وکٹ حاصل کی۔