ایک نیوز : پاکستان ہاکی ٹیم کے سابق کوچ اور رانا ظہیر ہاکی اکیڈمی کے مالک رانا ظہیر بابر کا انتقال کر گئے ہیں۔
رپورٹ کے مطابق وہ چند روز سے جگر اور یرقان کے مرض میں مبتلا اور ہسپتال میں زیر علاج تھے۔ ان کے انتقال پر پاکستان ہاکی فیڈریشن اور ہاکی سے وابستہ حلقوں نے گہرے دکھ اور غم کا اظہارکیاہے۔ گراس روٹ سطح پر ہاکی کی ترقی کے لیے ان کی بے پناہ خدمات رہیں۔ ان کی اکیڈمی کے بہت سے نوجوان پاکستان سیینئر اور جونیئر ٹیموں کی طرف سے نمائندگی کا اعزاز رکھتے ہیں۔
واضح رہے کہ ڈچ ہاکی کوچ رولنٹ آلٹمنز نے بھی رانا ظہیر اکیڈمی میں کوچنگ کی تھی۔سپورٹس بورڈ پنجاب کے تعاون سے رانا ظہیر اکیڈمی کے زیر اہتمام ٹریننگ کیمپ لگایا گیا تھاجس میں 60 کھلاڑی تھے اور انہیں 3 گروپس میں تقسیم کیا گیا تھا۔