ایک نیوز: رحیم یارخان سے کراچی روزگار کے لیے آیا نوجوان ڈاکوؤں کی گولی شکار بن کر جان کی بازی ہار گیا۔
رپورٹ کے مطابق شفیق کالونی میں ڈاکوؤں نے ادریس کو لوٹنے کی کوشش کرتے ہوئے مزاحمت پر فائرنگ کی جس کے باعث وہ جان کی بازی ہار گیا۔ ادریس نامی شخص نیو کراچی صنعتی ایریا کی فیکٹری میں کام کرتا تھا اور دوماہ پہلے ملازمت کے لیے کراچی آیا تھا جبکہ مقتول کے دوست نے بتایا کہ ادریس کی عید پر شادی تھی۔
عینی شاہدین کا کہنا ہے کہ کھانا کھا کر ہوٹل سے نکلے تھے کہ کچھ فاصلے پر کم عمر موٹرسائیکل سوار تین ملزمان آگئے۔مقتول کے دوست کا کہناہےکہ ادریس نے ڈاکوؤں کو موبائل نہیں دیا مزاحمت کے دوران موبائل فون دور جاگرا جو بعد میں ہمیں ملا۔اسی دوران کم عمر اسٹریٹ کرمنل نے ادریس کوگولی مارکرقتل کردیا جبکہ مقتول کی لاش عباسی شہید اسپتال میں منتقل کردی گئی ہے۔