واٹس ایپ نے پرائیویسی کے نئے فیچرز متعارف کرادیے

واٹس ایپ نے پرائیویسی کے نئے فیچرز متعارف کرادیے
ایک نیوز نیوز:دنیا کی سب سے بڑی انسٹنٹ میسیجنگ ایپلی کیشن واٹس ایپ نے سیکیورٹی اور پرائیوسی کو بہتر بناتے ہوئے نئے فیچر متعارف کرادیے۔

واٹس ایپ نے پرائیویسی کو بہتر بنانے ہوئے پروفائل تصویر، اسٹیٹس، بائیو اور لاسٹ سین کے فیچرز کو اپڈیٹ کیا ہے اور اب صارفین انہیں بھی اپنی پسند کے مطابق چلا سکتے ہیں۔
نئی اپڈیٹس کے مطابق اب صارفین کے پاس یہ آپشن ہوگا کہ وہ چاہیں تو اپنی پروفائل کو ہر کسی کے لیے اوپن رکھیں اور یا پھر وہ اسے اپنے کانٹیکٹس کے لیے اوپن رکھیں۔
مذکورہ فیچر کے تحت اب صارفین کے پاس یہ آپشن بھی ہوگا کہ وہ چاہیں تو اپنی تصویر، بائیو اور لاسٹ سین کو صرف اپنے کچھ خاص دوستوں کے لیے اوپن رکھیں یا پھر وہ چاہیں تو انہیں ہر کسی کے لیے بند رکھیں۔

صارفین پرائیوسی کے مذکورہ آپشن پروفائل تصویر کے لیے علاوہ اسٹیٹس، اباؤٹ اور لاسٹ سین کے لیے بھی استعمال کر سکتے ہیں۔
مذکورہ فیچرز کو اپڈیٹ کرنے کے لیے صارف کو اپنے اکاؤنٹ کی سیٹنگ میں جانے کے بعد اکاؤنٹس میں جاکر پرائیویسی کو تبدیل کرنا پڑے گا۔

واٹس ایپ نے حال ہی میں متعدد نئے فیچرز کو بھی متعارف کرایا تھا اور جلد ہی وہ مزید نئے فیچرز متعارف کرانے کا ارادہ رکھتا ہے۔
اس وقت واٹس ایپ ماہرین کم از کم نصف درجن کے قریب دوسرے کئی فیچرز پر کام کرنے میں مصروف ہیں،
جنہیں رواں برس کے اختتام سے قبل تک متعارف کرادیا جائے گا۔
اس وقت واٹس ایپ کے ماہرین نہ صرف اینڈرائڈ بلکہ ڈیسک ٹاپ ورژنز کے مختلف فیچرز متعارف کرانے پر بھی کام کر رہے ہیں
علاوہ ازیں واٹس ایپ بزنس اور پریمیم کے فیچرز کو بھی بڑھانے پر کام جاری ہے۔

شیئر کریں:

Waleed shahzad