ایک نیوز : دادی سے اظہار محبت کرتے ہوئے رونالڈو جونئیر کی تصویر وائرل۔۔رونالڈو جونیئر نے اس تصویر میں سعودی لباس پہن رکھا ہے اور وہ اپنی دادی کے سر کو چوم رہا ہے۔ اس تصویر نے سعودی عرب میں دھوم مچا دی ہے۔
عرب میڈیا کی رپورٹ کے مطابق سعودی روپ دھار کر دادی کے سر پر بوسہ لیتے رونالڈو کے بیٹے پر بڑی تعداد میں لوگوں نے رد عمل دیا۔ لوگوں نے کہا رونالڈو جونیئر کافی حد تک سعودی معاشرے میں مربوط ہوگیا ہے۔
جونيور كريستيانو بالزي السعودي ????????????. pic.twitter.com/FbhTPncopk
— Gorgeous (@gorgeous4ew) July 15, 2023
واضح رہے یہ پہلا موقع نہیں ہے کہ 12 سالہ رونالڈو جونیئر سعودی ماحول سے ہم آہنگ لباس میں نمودار ہوئے ہیں۔ اس سے قبل بھی وہ سعودی طرز کے ملبوسات میں نظر آئے ہیں۔ رونالڈو کا بیٹا مہینوں پہلے اپنے والد اور اپنے اہل خانہ کے ساتھ ریاض منتقل ہوا تھا۔
اس سے قبل رونالڈو جونیئر اپنے ایک دوست کے ساتھ عربی زبان میں گفتگو کرتا بھی نظر آیا تھا۔ دوست نے عربی میں حال پوچھا تو رونالڈو کے بیٹے نے کہا ’’ الحمد اللہ‘‘