ایک نیوز (اشرف چوہدری): زم ایفرو ٹی ٹین کے لیے ڈربن قلندرز کی کٹ کی رونمائی کردی گئی ہے۔
رپورٹ کے مطابق قلندرز فیملی کو مزید وسعت دینے کے لیے ڈربن قلندرز اور لاہور قلندرز کی جرسی میں مماثلت رکھی گئی ہے۔پی ایس ایل کی فاتح لاہور قلندرز کی جرسی کا رنگ اور ڈیزائن ہی ڈربن قلندرز کو دیا گیا ہے۔سبز رنگ کی شرٹ پر ڈربن شہر کا نقشہ واضح کیا گیا ہے۔
ڈربن کےمشہور کرکٹ سٹیڈیم کنگزمیڈ، سٹی ہال اور شہر کےلائٹ ہاؤس کو بھی شرٹ میں نمایاں کیا گیا ہے۔ ڈربن قلندرز کا سکواڈ آج ہرارے پہنچ جائے گا،جہاں ٹریننگ سیشنز کے بعد سکواڈ 20 جولائی سے شروع ہونے والی ٹی ٹین لیگ میں شرکت کرے گا۔