ایک نیوز نیوز: حیدرآباد میں نیشنل ٹرانسمیشن اینڈ ڈسپیچ کمپنی (این ٹی ڈی سی) کے گرڈ اسٹیشن کے پاورٹرانسفارمر میں لگی آگ 4 گھنٹے بعد بجھا دی گئی۔
تفصیلات کے مطابق گرڈ اسٹیشن میں آتشزدگی سے حیدرآباد، میرپورخاص، ٹنڈوالہیار،ٹنڈوجام،مٹیاری اور ہالا سمیت کئی علاقوں میں بجلی کی سپلائی معطل ہے جس کے باعث شہری پریشان ہیں۔
بجلی کی طویل بندش کے سبب حیدرآباد شہر میں نکاسی آب کا کام بھی شدید متاثر ہے۔
ڈپٹی کمشنر کا کہناہے کہ گرڈ اسٹیشن کے پاور ٹرانسفارمر کو تبدیل کرنے میں 2 دن لگیں گے اور تب تک متبادل ذرائع سے بجلی کی فراہمی کی کوشش کی جارہی ہے۔