ایک نیوز: حج 2025 نجی سکیم کے تحت جانے والے عازمین سے متعلق حکومت کا اہم اقدام، 30 لاکھ روپے سے زائد کا پیکج لینے والے عازمین کا حج سکیورٹی کلیئرنس سے مشروط کردیا گیا۔
وزارت مذہبی امور کے مطابق 30 لاکھ روپے سے زائد کا پرائیویٹ پیکج لینے والے عازمین کے نام ایف بی آر کو بھجوائے جائیں گے، بھاری نجی حج پیکج لینے والوں کے نام کلئیرنس کیلئے سکیورٹی ایجنسیز کو بھجوائے جائیں گے۔
ذرائع کے مطابق ایف بی آر متعلقہ عازمین کے اثاثوں اور ٹیکس کی چھان بین کرے گا، ایجنسیاں متعلقہ عازمین کے کریمنل اور دیگر ریکارڈز کا جائزہ لیں گی، سکیورٹی ایجنسیز سے کلیئر نس کے بعد 30 لاکھ سے زائد پیکج والے عازمین کو حج کی اجازت دی جائے گی ،30 لاکھ سے زائد کا پیکج دینے والی کمپنیز حج پیکج کی مکمل تفصیلات فراہم کریں گی، ان کمپنیز کے 30 لاکھ سے زائد حج اخراجات اور پیکج کی منظوری وزارت مذہبی امور دے گی۔
وزارت مذہبی امور کی جانب سے محمد حکیم خٹک کو فوکل پرسن مقرر کرتے ہوئے نئی ریگولیشن پالیسی جاری کردی گئی ہے۔