ملک کیساتھ صرف علماء نے وفاداری کی:مولانا فضل الرحمان

ایک نیوز: مولانا فضل الرحمان نے چارسدہ میں خطاب کرتے ہوئے کہا ہے کہ اسلام کے نام پر حاصل پاکستان میں لوگ اسلام کا مذاق اُڑا رہے ہیں،مسلمان کا خون مسلمان پر حرام ہے ۔
مولانا فضل الرحمان کا کہنا تھا کہ ہمارے حکمرانوں اور سیاست دانوں نے مذہب اسلام کیساتھ بہت ظلم کیا ہے ،یہ ملک کسی کےباپ کی جاگیرنہیں ، پاکستان مذاق نہیں ہے ،صنعت کار ،جاگیردار ، بیوروکریٹس اور عام پاکستانی کی ایک حیثیت ہے ، پاکستان اسلام کے نام پر بنا ہے جس کے لیے لاکھوں مسلمانوں نے قربانیاں دی ۔
مولانا فضل الرحمان کا مزید کہنا تھا کہ اس ملک کے ساتھ صرف علماء کرام نے وفاداری کی ہے،ہم اس پاکستان میں امن چاہتے ہیں ،ہم نے دلیل اور محبت سے بالادست قوتوں کو سمجھایا ہے ،جھوٹ موٹ اور دھاندلی کے الیکشن سے حسینہ واجد بھی جیتی تھی ،شرافت سے ہماری بات مان لو ۔
انہوں نے کہا کہ ہم نے ختم نبوت کے عقیدے کا تحفظ کیا ،مدارس پر ہر طرف سے حملے شروع ہو چکے ہیں ،مدارس کے خلاف عالمی سازشیں ہو رہی ہے ،دنیا چاہتی ہے کہ مدارس کا سلسلہ ختم ہو جائے ۔