ایک نیوز: ملتان ٹیسٹ کادوسراروزپاکستانی باؤلرزکےنام رہا،مہمان ویسٹ انڈین ٹیم پہلے ٹیسٹ کی پہلی اننگزمیں صرف137 رنزپرڈھیرہو گئی۔
نعمان علی نے 5 اورساجد خان نے 4وکٹیں اپنے نام کیں ،پاکستان نے ویسٹ انڈیزکیخلاف 93 رنزکی برتری حاصل کرلی ، قومی کرکٹ ٹیم پہلی اننگزمیں 230رنزبناکرآؤٹ ہوگئی تھی،سعود شکیل 84 ،محمد رضوان 71رنزبناکرنمایاں بلے بازرہے ۔
محمد حریرہ،بابراعظم،کامران غلام،سلمان آغا،خرم شہزاد ڈبل فگررنزنہ بناسکے ،ویسٹ انڈیزکی طرف سےجیڈن اورجومال نے3،3وکٹیں حاصل کیں۔
گراؤنڈ کے جنرل اور فرسٹ کلاس انکلوژرز میں داخلہ مفت کردیاگیا، سٹیڈیم میں سیکیورٹی کے فول پروف انتظامات ہیں،شائقین اپنی ٹیم کو سپورٹ کرنےکےلئے جنوبی پنجاب بھر سے سٹیڈیم پہنچ گئے۔
کھیل کے آغاز پرپاکستانی بیٹر محمد رضوان اور سعودشکیل گریز پر موجود تھے،پہلے روز کھیل کے اختتام پر پاکستان نے ویسٹ انڈیز کے خلاف4 وکٹوں کے نقصان پر 143 رنز بنا لیے تھے۔
پاکستان اور ویسٹ انڈیز کے درمیان ملتان ٹیسٹ کے پہلے روز کا پہلا سیشن دھند کی وجہ سے ضائع ہوگیا، کھانے کے وقفے کے بعد ٹاس ممکن ہوسکا جسے پاکستانی کپتان شان مسعود نے جیت کر پہلے بیٹنگ کرنے کا ارادہ کیا مگر یہ فیصلہ اچھا ثابت نہیں ہوا۔
صرف 46 رنز پر چار کھلاڑی ڈیبیو کرنے والے محمد ہریرہ، شان مسعود، کامران غلام اور بابر اعظم پویلین پہنچ گئے، بظاہر سپنر کیلئے تیار کی جانے والی پچ پر چار میں سے تین کھلاڑی ویسٹ انڈین فاسٹ بولر جیڈن سیلز نے آؤٹ کیے، سپنر گودا کیش کو ایک وکٹ ملی۔
پانچویں وکٹ پر سعود شکیل اور محمد رضوان نے محتاط انداز میں بیٹنگ کی اور جلدی ختم ہونے والے کھیل میں ٹیم کا سکور چار وکٹ پر 143 رنز تک پہنچایا، دونوں نے 97 رنز کی شراکت کے ساتھ اپنی اپنی نصف سنچریاں بھی مکمل کیں۔