ایک نیوز :کراچی اورنگی ٹاؤن میں ماں کو قتل کرنیوالے پولیس اہلکار کو گرفتار کرلیاگیا۔
پاکستان بازار پولیس نے تین روز میں خاتون کے قتل کا معمہ حل کیا ۔14 جنوری کو اورنگی ٹاؤن پاکستان بازار تھانے کے قریب فائرنگ سے ماں جاں بحق اور بیٹا اسد زخمی ہوا تھا۔ابتدائی طور پر زخمی اسد کی جانب سے واقعہ ڈکیتی مزاحمت ظاہر کیا گیا تھا۔
ملزم نے ابتدائی تفتیش میں انکشاف کیا کہ پستول نکال کر باہر آرہا تھا کہ گولی چلی جو ماں کو لگ گئی۔
پولیس کاکہنا ہے کہ مقتولہ یاسمین کا زخمی بیٹا اسد زیر تربیت پولیس اہلکار ہے۔ ملزم اسد کے قبضے سے اسلحہ برآمد کرلیا۔واقعہ اتفاقیہ گولی چلنے کا ہے یا ذاتی رنجش کا تحقیقات جاری ہے۔