ویب ڈیسک:امریکا میں ایک شخص کو اس کے خاندان والوں نے 8ہزار 882 اقسام کی اینٹیں رکھنے کا گینیز ورلڈ ریکارڈ دلوا کر حیران کر دیا۔
غیر ملکی خبر رساں ادارے کے مطابق ریاست اوکلاہوما سے تعلق رکھنے والے 87 سالہ کلیم رینکیمیر کسی کام سے علاقے سے باہر گئے تو ان کی بیٹی سیلیا اور داماد ڈین نے کچھ دوستوں کو اکٹھا کر رکےان کے ’ٹلسا گودام‘ رکھی ہر شے کو گننا شروع کریا۔
جب کلیم واپس گھر آئے تو گینیز ورلڈ ریکارڈز کی جانب سے آفیشل سند دیکھ کر دنگ رہ گئے۔
گینیز ورلڈ ریکارڈز سے گفتگو کرتے ہوئے ان کا کہنا تھا کہ جب وہ واپس آئے تو یہ ان کے لیےایک بڑا سرپرائز تھا اور وہ یہ سند حاصل کرنے کے بعد بہت خوش ہیں۔
کلیم کے اینٹوں کے مجموعے میں (جو وہ گزشتہ 40 برسوں سے اکٹھی کر رہے ہیں) 100 ویں عیسوی کی رومی اینٹ بھی شامل ہے لیکن زیادہ تر اینٹیں چند سو سال پرانی ہی ہیں۔