ایک نیوز: رہنما تحریک انصاف سلما ن اکرم راجہ نے کہا ہے عمران خان مضبوط اعصاب کے شخصیت ہیں، وہ کسی قسم کی ڈیل نہیں کریں گے۔
تفصیلات کے مطابق اڈیالہ جیل کے باہر میڈیا سے گفتگو کرتے ہوئے بیرسٹر سلمان اکرم راجہ نے کہا جیل حکام نے ہمارے ساتھ گیم کی ہے پمیں اندر بلا کے کہا گیا وقت ختم ہوگیا ہے ،ہم ایک بجے کے یہاں آئے ہوئے لیکن ملاقات نہیں دی گئی ،اچھی بات یہ ہے بہنوں کی ملاقات ہوئی ہے فیملی کے پانچ ممبران ملے ہیں ، علیمہ خان صاحبہ نے بتایا بانی کی صحت بلکل ٹھیک ہے۔
انہوں نے کہا راستے روکنا بچگانہ قسم کی حرکت ہے یہ سمجھتے ہیں اسطح بانی پر دباو ڈالا جاسکتا ہے ،انکو لگتا ہے راستے بند کرنے سے ملاقات نہ کرانے سے بانی دباو میں آجائیں گے، یہ بانی پی ٹی آئی کو نہیں سمجھ سکے وہ کسی دباو میں نہیں آئیں گے، بانی مضبوط اعصاب کی مالک شخصیت ہے وہ کسی قسم کی ڈیل نہیں کریں گے، بانی پی ٹی آئی اپنے اصولوں کے ساتھ کھڑے ہیں،بانی آئین و قانون کے مطابق جیل سے باہر آئیں گے ان کوئی آسانی نہیں چاہئے۔
سلمان اکرم راجہ نے کہا بانی کی بہنوں نے جو آج بیان دیا ہے اسے واضع ہے وہ کسی قسم کی ڈیل نہیں چاہتے ہیں،بانی اصول کی بات کرتے ہیں وہ کہتے ہیں فوج ہماری فوج ہے، بانی کا کہنا ہے دہشت گردی کے خلاف سب کو ملکر چلنا چاہئے، بانی کے ساتھ جو ذاتی طور پر ہورہا ہے اس پر وہ جس بھی شخصیت کو ذمہ دار ٹھہرائیں گے وہ حق بہ جانب ہے، عوام جن مسائل کا سامنا کررہے ہیں اس پر اپوزیشن جماعتوں سے بات کرتے رہیں گے، ہماری اپوزیشن جماعتوں سے اچھی ملاقاتیں رہی ہیں۔