ویب ڈیسک:پی ایس ایل کے میچز جاری ،پشاور زلمی کے کپتان بابر اعظم نے آج کے میچ میں شکست کی وجہ بتادی ۔
پشاور زلمی کے کپتان بابر اعظم کاپریس کانفرنس میں کہنا تھا کہ ہمارا باولنگ اٹیک آج کی کنڈیشنز کے مطابق بہترین تھا۔ہم میچ میں فنش نہیں کرسکے ۔ جب وکٹیں گرتی ہیں تو تھوڑا سلو ہونا پڑتاہے۔ محمد ذیشان انڈر 19 سے اچھا پرفارم کرکے آئے ہیں۔ محمد ذیشان کو جو بات کہی اس پر اس نے عمل کیا۔ محمد ذیشان کا مستقبل شاندار ہے ۔ جب میچ شروع ہوا تو بادل تھے ہم نے رنز زیادہ دئیے۔ ہمارے ذہن میں تھا کہ کوئٹہ کو 180 رنز تک روکیں۔
بابراعظم کاکہنا تھا کہ پشاور کے مداح بہت سپورٹ کرتے ہیں ہماری ذمہ داری ہے کہ ہم اچھا پرفارم کریں۔ اس سال ہم نے باولنگ کو اچھا کیا ہے مگر کامیابی کے لیے پلان کے مطابق کھیلنا ہوگا۔ ہمیشہ اپنی کارکردگی کو نکھارنے کے لیے کوشش کرتاہوں اس مختلف کھلاڑیوں سے بات کرتاہوں۔ محمد حارث ٹھیک ہے ۔ ہمارا پلان تھا آصف علی کو پیچھے لے کر جانا ہے وہ نچلے نمبروں پر اچھا کھیلتے ہیں۔آج جب آصف علی کھیلنے گئے گیند کم اور رنز زیادہ تھے۔