ایک نیوز : وزیر دفاع خواجہ آصف نے پاکستان کرکٹ بورڈ کی منیجمنٹ کمیٹی کے سربراہ نجم سیٹی کو متنازع ٹوئٹ پر شدید تنقید کا نشانہ بنایا ہے۔
نجم سیٹھی نے اپنے ٹوئٹ میں کہا تھا کہ کالعدم تحریک طالبان پاکستان (ٹی ٹی پی) تو صرف سکیورٹی اسٹیبلشمنٹ پر حملے کرے گی کیونکہ انہوں نے معاہدے توڑے ہیں، اس لیے ان سے پاکستان سپر لیگ (پی ایس ایل) کو کوئی خطرہ نہیں ہے۔
تنقید کے بعد نجم سیٹھی نے ٹوئٹ ڈیلیٹ کردی تھی۔
یہ شخص سٹیٹ سیکورٹی اسٹیبلشمنٹ کاموازنہPSL سے کر رہا ھے.کہنےکامطلب ھے سیکورٹی اسٹیبلشمنٹ پہ حملہ حلال ھےاور PSL پہ حرام. یہ ھماری فوج اور پولیس کی جانوں کوئ حرمت نہیں اطمینان ھے PSL محفوظ ھے.یہ ھےھماری اشرافیہ صرف اپنا مفاد عزیز ھےقومی سلامتی اور قیمتی جانیں ڈسپوزیبل ھیں pic.twitter.com/iBBgkzZRis
— Khawaja M. Asif (@KhawajaMAsif) February 18, 2023
نجم سیٹھی کی ٹوئٹ پر خواجہ آصف برس پڑے ہیں اور انہوں نے ردعمل میں کہا ہے کہ یہ شخص ریاست کی سکیورٹی اسٹیبلشمنٹ کا موازنہ پی ایس ایل سے کرتے ہوئے کہتا ہے سکیورٹی فورسز پر حملہ حلال اور پی ایس ایل پر حرام ہے۔
وفاقی وزیردفاع کا کہنا تھا کہ نجم سیٹھی کے نزدیک فوج اور پولیس کی جانوں کی کوئی اہمیت نہیں ہے۔ اسے صرف یہ اطمینان ہے کہ پی ایس ایل محفوظ ہے، واضح ہوگیا کہ ہماری اشرافیہ کے نزدیک قومی سلامتی سے زیادہ اپنا مفاد عزیز ہے۔