ایک نیوز: انتظار ختم، پاکستان سپر لیگ کے سیزن 8 کیلئے پشاور زلمی کا آفیشل ترانہ ریلیز کردیا گیاہے۔
رپورٹ کے مطابق آفیشنل ترانے میں کرکٹ اور شوبز ستارے ایک ساتھ جلوہ گر ہیں۔ پشاور زلمی اور پاکستان کرکٹ ٹیم کے کپتان بابر اعظم منفرد انداز میں زلمی اینتھم میں شامل ہیں۔ پشاور زلمی کی ایمبیسڈرز ماہرہ خان نے بھی اینتھم میں شاندار پرفارمنس دی ہے۔زلمی ایمبیسڈر حمزہ علی عباسی اور ٹیم کےہیڈکوچ ڈیرن سیمی بھی ترانے میں نظر آرہے ہیں۔پشاورزلمی کی ٹیم میں شامل صائم ایوب، ارشد اقبال، صفیان مقیم، خرم شہزاد، عثمان قادر، محمد حارث اور سلمان ارشاد بھی ترانے میں شامل ہیں۔زلمی کے ترانے کو انٹرنیشنل پروڈیوسر ناٹی بوائے نے پروڈیوس کیا ہے جبکہ خماریاں بینڈ، بلال ایاز، التمش، ظہور نے آواز اور میوزک کا جادو جگایا ہے۔
واضح رہے کہ سپر سٹار ماہرہ خان پی ایس ایل آٹھ کے لیے پشاور زلمی کی ایمبیسیڈر مقرر ہو گئی ہے۔ ماہرہ خان کے علاوہ حمزہ علی عباسی بھی پی ایس ایل آٹھ کے لیے پشاور زلمی کے ایمبیسڈر ہیں۔