چیئرمین پی سی بی کی سعودی کرکٹ کے چیئرمین سے ملاقات ، کھلاڑیوں کی ڈویلپمنٹ پر تبادلہ خیال

ایک نیوز(چودھری اشرف) چیئرمین پی سی بی محسن نقوی نےریاض میں سعودی عربیہ کرکٹ فیڈریشن کے چیئرمین شہزادہ سعود بن مشعل السعود سے ملاقات کی۔
ملاقات میںسعودی عرب میں کرکٹ کے فروغ اور کھلاڑیوں کی ڈویلپمنٹ پر تبادلہ خیال کیا گیا، محسن نقوی نے چیئرمین سعودی عربیہ کرکٹ فیڈریشن کو چیمپئنز ٹرافی ٹورنامنٹ کے میچز دیکھنے کیلئے پاکستان کے دورے کی دعوت دی۔ 
چیئرمین پی سی بی محسن نقوی نے کرکٹ کے فروغ اور سٹیڈیمز کی تعمیر کے حوالے سے ہر ممکن تعاون کی پیشکش کی ،محسن نقوی نے سعودی عرب کے کھلاڑیوں کو تربیت دینے کی  پیشکش کی، محسن نقوی نے کہا کہ کرکٹ ڈویلپمنٹ کے لئے پلئیرز ایکسچینج پروگرام شروع کیا جا سکتا ہے، سعودی عرب اپنے ابھر تے ہوئے کھلاڑیوں کو پاکستان بجھوا سکتا ہے۔
چیئرمین پی سی بی محسن نقوی نےکہا کہ کرکٹ ڈویلپمنٹ اور سٹیڈیمز کی تعمیر کے حوالے سے پوری معاو نت کریں گے، سعودی عرب ہر پاکستانی کا دوسرا گھر ہے، تعاون پر خوشی ہو گی۔
  چیئرمین سعودی عربیہ کرکٹ فیڈریشن نے کہنا تھا کہ ہم پلئیرز ڈویلپمنٹ پر کام کر رہے ہیں۔