ایک نیوز نیوز: وسیم اکرم کی اہلیہ شنیرا اور اداکار فیروز خان میں انسٹاگرام پر لفظوں کی جنگ جاری ہے اور دونوں ہی ہار ماننے کو تیار نہیں۔
تفصیلات کے مطابق کچھ روز قبل حمائما ملک نے اپنے بھائی فیروز خان اور بھتیجے سلطان کی ویڈیو انسٹاگرام پر شیئر کی جس میں اداکار گاڑی چلا رہے ہیں اور ساتھ ہی ان کا بیٹا سلطان بھی ڈرائیونگ سیٹ پر اداکار کی گود میں بیٹھا ہے۔
https://www.pnntv.pk/digital_images/large/2022-12-18/news-1671347182-1316.jpg
شنیرا اکرام نے اداکارہ کی انسٹاگرام اسٹوری کا اسکرین شاٹ شیئر کیا اور فیروز پر سخت تنقید کی۔
شنیرا اکرم نے لکھا مجھے لوگوں کی بے وقوفی پر بہت زیادہ افسوس ہوتا ہے، یہ اپنے دماغ میں یہ بات کیوں نہیں ڈالتے کہ یہ بات کتنی خطرناک ہے۔ بچوں کو پیچھے بٹھانا چاہیے اور گاڑی چلاتے وقت سیٹ بیلٹ باندھنے چاہئیں۔
شنیرا اکرم کی تنقید پر فیروز خان خاموش نہ رہے اور انہوں نے بھی انسٹاگرام اسٹوری کے ذریعے جواب دیا۔
اداکار نے ایک روسی فائٹر کی ویڈیو شیئر کی جس میں وہ ایک ریچھ سے لڑ رہا ہے۔ شنیرا کو مینشن کرتے ہوئے فیروز نے کہا شکر ہے اس فائٹر نے آپ کی یا اپنے والد کی بات نہیں سنی ورنہ اس کا ٹیلنٹ ضائع ہو جاتا۔
فیروز خان نے کہا میں ڈرائیونگ اور سیفٹی کے معاملات کو آپ سے بہتر سمجھتا ہوں اور میں پروفیشل کار ریسنگ کا حصہ ہوں۔
ساتھ ہی اداکار نے علامہ اقبال کی شاعری کا ایک بند شیئر کیا اور ساتھ ہی شنیرا کو مخاطب کرتے ہوئے لکھا وسیم بھائی آپ کے لیے اس کا ترجمہ کردیں گے۔
فیروز خان کا جواب دیکھ کر شنیرا نے ایک بار پھر اسٹوری پوسٹ کی اور لکھا آپ مجھے جانوروں پر مظالم کی ویڈیوز مت بھیجیں اور مجھے نہیں سمجھ آیا کہ اس کا مطلب کیا ہے۔
جس پر فیروز نے شنیرا کو کہا کہ آپ اس کو کبھی سمجھ نہیں سکتیں، میں نے وسیم بھائی سے درخواست کی ہے کہ وہ آپ کو اس کا ترجمہ کرکے دیں، اسے سمجھنے کے لیے طاقت کی ضرورت ہے۔