ایک نیوز نیوز: راولپنڈی میں ریس کورس پولیس نے کارروائی کرتے ہوئے 13 سالہ لڑکے سے زیادتی کرنے والے 03 ملزمان گرفتار کر لیا ہے۔
تفصیلات کے مطابق متاثرہ لڑکے کا میڈیکل پراسس کروایا گیا ہے۔ گرفتار ملزمان میں کاشان پرویز، عبدالرحمن اور عصمت اللہ شامل ہیں۔ متاثرہ لڑکے کے والد کی درخواست پر مقدمہ درج کرکے ملزمان کو گرفتار کیا گیا ہے۔ پولیس حکام کا کہنا ہے کہ مقدمہ کی میرٹ پر تفتیش کرتے ہوئے ملزمان کو قرار واقعی سزا دلوائی جائے گی۔ خواتین اور بچوں سے زیادتی پر زیرو ٹالیرنس پالیسی کو یقینی بنایا جا رہا ہے۔
پولیس ایس پی پوٹھوہار کا کہنا ہے کہ ملک بھر میں کمسن لڑکوں سے زیادتی کے خلاف سخت قانون سازی کی ضرورت ہے۔ ہم خواتین اور بچوں سے زیادتی کے خلاف زیرو ٹالرنس پالیسی پر عمل پیرا ہیں۔
پنجاب کے مختلف علاقوں میں کمسن نوجوانوں اور طلبہ کے ساتھ زیادتی کے واقعات میں اضافہ ہورہا ہے۔
واضع رہے کہ راولپنڈی پولیس نے مئی کے دوران مدرسے کے طالبِ علم سے زیادتی کے جرم میں قاری کو گرفتار کیا تھا۔ راولپنڈی کے علاقے نصیر آباد میں 3 ماہ قبل مدرسے میں زیر تعلیم قرآن پاک حفظ کرنے والے معصوم بچے کو قاری افضل نے زیادتی کا نشانہ بنایا جس پر پولیس حرکت میں آگئی۔
اس واقعے کی رپورٹ بچے کے چچا نے نصیرآباد پولیس میں جمع کرادی، مدعی کا درخواست میں کہنا تھا کہ کہ قاری افضل کے پاس میرا بھتیجا پڑھنے کیلئے جاتا تھا جس نے میرے بھتیجے کو زیادتی کا نشانہ بنایا۔