ایک نیوز:وزیراعلیٰ پنجاب کی زیرصدارت اجلاس،مریم نوازنے سپیشل افرادکاڈیٹامستندکرنےکی ہدایت کردی۔
وزیراعلیٰ پنجاب مریم نوازکو سوشل ویلفیئر اینڈ بیت المال ڈیپارٹمنٹ سے متعلق تفصیلی بریفنگ دی گئی۔
وزیر اعلیٰ مریم نواز نے سپیشل افراد کا مستند ڈیٹا مرتب کرنے کی ہدایت کر دی۔
اجلاس میں سپیشل افراد کے لئے خصوصی ” ہمت کارڈ“ اور بیت المال کے تحت ”نگہبان کارڈ“ کے اجراء اورمعذوری کے ساتھ کام کرنے کے اہل افراد کے لئے قرضہ سکیم کا اجراء معذور افراد کو وہیل چیئر اور دیگر مددگار آلات مہیا کرنے کا فیصلہ کیاگیا۔
سپیشل افراد کو مالی خودمختاری کے لئے ایک سے دو لاکھ روپے قرضہ دیا جائے گا، ہر ڈویژن میں خواتین پر تشدد کے سد باب کے لئے وی اے ڈبلیو سی سنٹر بننے کی منظوری بھی دی گئی۔
لاہور، ملتان اور فیصل آباد کے سکلز ڈویلپمنٹ سنٹر کو فعال بنانے اور دیگر اضلاع میں قائم کرنے اور سپیشل افراد کے لئے کام کرنے والی این جی اوز کے آڈٹ کی تجویز کا جائزہ لیاگیا۔
سرکاری عمارتوں میں ریمپ اورسپیشل پرسن باتھ روم کی پابندی پر عملدرآمد کی رپورٹ طلب
ہر نئی سرکاری بلڈنگ میں سپیشل افراد کے لئے باتھ روم اور ریمپ لازمی قرار
وویمن پروٹیکشن اتھارٹی ٹاسک فورس بنانے کی سفارشات پر غورکیاگیا۔
ہر ڈویژن میں منشیات بحالی سنٹرز کے قیام کی تجویز کا بھی جائزہ لیا گیا۔
سوشل ویلفیئر اینڈ بیت المال ڈیپارٹمنٹ کی ڈیجیٹلائزیشن کی اصولی منظوری
اجلاس میں سینئر صوبائی وزیر مریم اورنگزیب، سینیٹرپرویز رشید، صوبائی وزیر سوشل ویلفیئر اینڈ بیت المال سہیل شوکت بٹ، ایم پی اے ثانیہ عاشق، پرنسپل سیکرٹری ،سیکرٹری سوشل ویلفیئر اور دیگر متعلقہ حکام بھی موجود تھے۔