ایک نیوز:سوات اورگردونواح میں جاری بارش سے بحرین بازار ایک بارپھرڈوب گیا۔کا لام تک زمینی رابطہ منقطع ہونے پرلاکھوں سیاح پھنس گئے۔پاک فوج کی امدادی سرگرمیاں جاری ہیں۔
تفصیلات کے مطابق سوات کے اطراف کئی گھنٹوں سے بارش سے سیلابی صورتحال کاسامنا ہے ۔بحرین میں دریائے سوات کے نالے درال خوڑ پر پانی کی سطح بلند ہوگئی۔اولڈ بحرین مارکیٹ میں 2 سے 3فٹ پانی جمع ہوگیا۔
پاک فوج کی جانب سے متاثرہ علاقے میں تمام عمارتیں خالی کرا لی گئی ہیں جبکہ علاقہ مکینوں کو محفوظ مقامات پر منتقل کر دیا گیا ۔
مقامی لوگوں نے آرمی کے جوانوں اور سول انتظامیہ کی بھرپور کوششوں کو سراہا۔