امریکی شہری کاعوام کی مددکاانوکھاطریقہ

ایک نیوز:امریکی شہری کاعوام کی مددکاانوکھاطریقہ،سڑک پر ڈالروں کی برسات کردی۔
رپورٹ کے مطابق امریکا میں ایک شخص نے لوگوں کی مدد اور خوشنودی کیلئےتیزرفتار شاہراہ پر دو لاکھ ڈالر بکھیر دیئے تاہم پولیس نے اس عمل کو خطرناک قرار دیا ہے۔
اس واقعے کے بعد مصروف ترین شاہراہ پر گاڑیوں کارش لگ گیا اور لوگ سڑک پر بکھرے ہوئے ڈالر جمع کرنے میں مصروف ہوگئے۔ اس طرح گاڑیوں کی لمبی قطاریں لگ گئیں۔
 پولیس کے مطابق کولن ڈیوس مِک کارتھی نے انٹرسٹیٹ 5 پر یوجین کے علاقے کے پاس 192 میل کے نشان پر یہ رقم گاڑی کی کھڑکی سے باہر اڑائی تھی۔
اگرچہ یہ ایک خطرناک عمل تھا لیکن کولِن پر کوئی فردِ جرم عائد نہیں کی گئی ہے۔ اگرچہ اسے شاہراہ کے ٹریفک بہاؤ میں مداخلت اور لوگوں کی زندگیاں خطرے میں ڈالنے کا جرم عائد کیا جاسکتا تھا، پولیس کے استفسار پر اس نے بتایا کہ یہ خطیر رقم اس کے اپنے اکاؤنٹ کی ہے اور وہ لوگوں کی مدد کرنا چاہتا تھا۔
پولیس نے کولن کو سمجھایا کہ اس طرح تیزرفتار شاہراہ پر رقم پھینکنے سے جان لیوا حادثات ہوسکتے ہیں اور یہی وجہ ہے کہ اس نے مزید رقم نہ اڑانے کا ارادہ کیا تھا۔

دوسری جانب پولیس نے عوام سے کہا ہے وہ ہائی وے پر رقم نہ تلاش کریں کیونکہ یہ ایک خطرناک عمل ہے۔