وائٹ بال ہیڈ کوچ کیلئےعاقب جاوید کو ذمہ داریاں ملنے کا امکان 

ایک نیوز:قومی ٹیم کےنئےوائٹ بال ہیڈ کوچ کیلئےسلیکشن کمیٹی کے رکن عاقب جاوید کو ذمہ داریاں ملنے کا امکان ہے۔
 ذرائع کے مطابق وائٹ بال ہیڈ کوچ کے حوالے سے فیصلہ جلد متوقع ہے، ملکی کوچ کو مستقل ذمے داری دیئے جانے کا امکان ہے،دورۂ آسٹریلیا سے قبل گیری کرسٹن نے ہیڈ کوچ کے عہدے سے استعفیٰ دے دیا تھا ۔
ریڈ بال کے ہیڈ کوچ جیسن گلیسپی کو دورۂ آسٹریلیا کے لیے عبوری کوچ مقرر کیا گیا تھا ،پاکستان نے 24 نومبر سے 5 دسمبر تک زمبابوے کے خلاف سیریز کھیلنی ہے، دورہ زمبابوے اور آئندہ سیریز میں عاقب جاوید کو ذمے داریاں دینے پر غور کیا جا رہا ہے۔