ایک نیوز نیوز: عالمی مالیاتی ادارے ( آئی ایم ایف) نےمشکل وقت میں پاکستان کا ساتھ دینے کا اعلان کردیا۔
وزارت خزانہ کے مطابق وفاقی وزیر خزانہ اسحاق ڈار کی آئی ایم ایف کے پاکستان مشن چیف ناتھن پورٹر سے ورچوئل ملاقات ہوئی۔ ملاقات میں آئی ایم ایف کے جاری پروگرام پر پیش رفت پر تبادلہ خیال کیا گیا۔
وزارت خزانہ کی جانب سے بتایا گیا کہ ملاقات میں میکرو اکنامک فریم ورک اور رواں سال کے اہداف پر بات چیت کی گئی۔ آئی ایم ایف نے سیلاب متاثرین کے لیے امداد پر رضامندی ظاہر کی۔ آئی ایم ایف کے نویں جائزے کے لیے تکنیکی سطح کے مذاکرات کو جلد حل کیا جائے گا۔وزیر خزانہ اسحاق ڈار کا کہنا تھا کہ حکومت آئی ایم ایف پروگرام کو کامیابی سے مکمل کرنے کی خواہاں ہے۔
آئی ایم ایف نے غریبوں اور پسماندہ افراد خصوصاً سیلاب متاثرین کے لئے ٹارگٹڈ زر اعانت پر ہمدردانہ غور کے لئے اپنی رضامندی کا عندیہ دیا ۔ اس بات پر اتفاق کیا گیا کہ رواں سال کے دوران سیلاب سے متعلق انسانی امداد کے اخراجات کے تخمینے اور بحالی کے ترجیحی اخراجات کے تخمینے پر مضبوطی سے کار بند رہا جائے گا۔