ایک نیوز: پاکستان کرکٹ بورڈ کو ہائبرڈ ماڈل پر بنگلا دیش اور سری لنکا نے گرین سگنل دیدیا ہے۔
رپورٹ کے مطابق ایشیاکپ کے دو مستقل اراکین بنگلہ دیش اور سری لنکا نے پاکستان کرکٹ بورڈ کو ہائبرڈ ماڈل پر گرین سنگل دیا ہے۔دونوں کرکٹ بورڈز کو پہلا راؤنڈ پاکستان میں کھیلنے پر کوئی اعتراض نہیں ہے۔بنگلادیش اور سری لنکن کرکٹ بورڈز نے بذریعہ ای میل پی سی بی کو یقین دہانی کروائی ہے لیکن براہ راست کوئی رابطہ نہیں کیا گیا۔
دوسری جانب ایشین کرکٹ کونسل کا ایشیاکپ کے حوالے سے اندرونی اجلاس آئندہ ایک دو روز میں ہونے کا امکان ہے جس میں سیکریٹری بی سی سی آئی جے شاہ بھی شرکت کریں گے۔پاکستان کرکٹ بورڈ گیٹ منی کے باعث متحدہ یو اے ای میں ایشیاکپ کا انعقاد کروانا چاہتا ہے لیکن بھارت نے اسکی بھی مخالفت کرتے ہوئے شدید گرمی کا جواز پیش کیا تھا۔
رپورٹ میں کہا گیا ہے کہ اگر ہائبرڈ ماڈل کی منظور کرلیا جاتا ہے تو پی سی بی نیوٹرل وینیو پر بھی لچک دکھا سکتا ہے۔