انوکھی لڑائی کی ویڈیوسوشل میڈیاپروائرل

ایک نیوز:کینیڈا کے شہر ٹورنٹو میں ایک انوکھی لڑائی ہوئی جس کی ویڈیوسوشل میڈیاپروائرل ہوگئی۔
غیر ملکی میڈیا کی رپورٹ کے مطابق سوشل میڈیا پر وائرل ہونے والی ایک ویڈیو میں 45 سالہ شخص لارینیو اویلا کو دیکھا جا سکتا ہے کہ وہ اپنے پالتو سانپ کو کس طرح ڈنڈے کے طور پر استعمال کررہا ہے اور زمین پر لیٹے شخص کو بری طرح مار رہا ہے۔مذکورہ واقعہ 10 مئی کی شب 11 بج کر 50 منٹ پر پیش آیا۔
تاہم مار کھانے والا شخص اپنا دفاع کرنے کی کوشش کرتا ہے لیکن وہ ناکام رہتا ہے اور لارینیو اسے بری طرح پیٹتا رہتا ہے۔
واقعہ سے متعلق پولیس کاکہناتھاکہ انہیں ایک ایسے شخص کے بارے میں کال موصول ہوئی تھی جو لوگوں کو اژدھے سے خوفزدہ کررہا تھا، تاہم یہ وجہ سامنے نہیں آسکی کہ دونوں میں لڑائی کی شروعات آخر کس بات پر ہوئی تھی۔