ایک نیوز(چودھری اشرف)پاکستان سپر لیگ سیزن 9کا چیمپئن کون بنے گا؟فیصلہ آج ہوگا ۔ اسلام آباد یونائیٹڈ اور ملتان سلطانز کی ٹیمیں مدمقابل آئیں گی۔
نیشنل سٹیڈیم کراچی آج پی ایس ایل کے فائنل میچ کی میزبانی کرے گا۔میچ آج رات 9بجے شروع ہوگا ۔ شائقین کرکٹ کی نظریں میچ پر لگ گیئں، نیشنل سٹیڈیم کے فائنل میچ میں ہاوس فل ہونے کا امکان، دونوں ٹیموں کے کپتانوں کا ٹرافی کے ساتھ فوٹو سیشن بھی کیا گیا ۔
ملتان سلطانز نے پشاور زلمی جبکہ اسلام آباد یونائیٹڈ نے بھی پشاور زلمی کو شکست دیکر فائنل میں رسائی حاصل کی ہے۔ ملتان سلطانز اور اسلام آباد یونائیٹڈ کے درمیان اب تک 15 مرتبہ آمنا سامنا ہو چکا ہے، ملتان نے آٹھ اور اسلام آباد نے سات میچز جیت رکھے ہیں۔
پاکستان سپر لیگ میں اب تک ہونے والے آٹھ ایڈیشنز میں اسلام آباد یونائیٹڈ اور لاہور قلندرز نے دو دو مرتبہ جبکہ کراچی کنگز، پشاور زلمی، کوئٹہ گلیڈی ایٹرز اور ملتان سلطانز نے ایک ایک مرتبہ ٹائٹل جیت رکھا ہے۔