ایک نیوز: ایران نے پاکستان کومزید100میگاواٹ بجلی کی فراہمی شروع کردی۔
تفصیلات کے مطابق ایران سے مزید بجلی فراہمی کا معاہدہ وزیر توانائی خرم دستگیر خان کے حالیہ دورہ ایران کے دوران طے پایا تھا۔ ایران سے درآمد ہونے والی اضافی 100 میگا واٹ بجلی گوادر کو فراہم کی جا رہی ہے۔
حکام کے مطابق پاکستان نے ایران سے بجلی کے حصول کیلئے220 کے وی ٹرانسمیشن لائن بچھائی ہے۔ ٹرانسمیشن لائن گبد- بولان کے درمیان بچھائی گئی ہے۔
بجلی کی فراہمی کے ٹیرف کو وزیر توانائی کے حالیہ دورہ ایران میں حتمی شکل دی گئی۔ ایران سے پاکستان کو ملنے والی بجلی کا کل حجم 200 میگاواٹ ہو گیا ہے۔
واضح رہے کہ 2002 سے ایران مکران ڈویژن کو بھی 100 میگا واٹ بجلی کی درآمد جاری ہے۔ ایران سے بجلی بارٹر سسٹم کے تحت لی جا رہی ہے۔
کیپشن: Iran has started supplying 100 MW more electricity to Pakistan