ویب ڈیسک:پاکستان کے شایان آفریدی آئی ٹی ایف ایشیا انڈر 14 ٹینس چیمپئن شپ کے فائنل میں پہنچ گئے ہیں ۔
شایان آفریدی نے سیمی فائنل میں شایان نے ٹورنامنٹ کے ٹاپ سیڈ سنگاپور کے میتھیو ٹائی کو سٹریٹ سیٹس میں 7-6(0)، 6-4 سے شکست دے کر فائنل میں اپنی جگہ پکی کی۔
یہ فتح کوارٹر فائنل میں شاندار کارکردگی کے بعد ملی جہاں انہوں نے فلپائن کے جیکوسالا کرلز جان کو سخت مقابلے کے بعد 4-6، 6-2، 7-5 سے زیر کیا۔
قبل ازیں شایان نے پری کوارٹر فائنل میں غیر معمولی صلاحیتوں کا مظاہرہ کرتے ہوئے فورتھ سیڈ سری لنکا کے یودھیریا اتاپتو کو 6-4، 7-5 سے شکست دی، شایان آفریدی اے سی ای ٹینس اکیڈمی کی پیداوار ہیں۔
پاکستان ٹینس فیڈریشن (پی ٹی ایف) کے صدر اعصام الحق قریشی نے شایان کو ان کی شاندار کارکردگی پر مبارکباد دی، انہوں نے فائنل میں اس کامیابی کو دہرانے اور پاکستان کے لیے ٹائٹل گھر لانے کے لیے شایان کی صلاحیت پر اعتماد کا اظہار کیا۔