ایک نیوز: مرغی کا گوشت جو پروٹین کا سستا ذریعہ رہا ہے اب غیر معمولی طو ر پر مہنگا ہوگیا ہے،مرغی کے گوشت کی قیمت 637روپے فی کلو تک پہنچ گئی۔مرغی کا گوشت مہنگا بھی ہے اور نایاب بھی ہے۔
تفصیلات کے مطابق بجلی ،گیس ،پٹرول کی قیمتوں میں اضافہ سے پولٹری انڈسٹری غیر معمولی طور پر متاثر ہوئی اور اب چوزے کی قیمت مین بھی اضافہ ہوگیا ، پولٹری فارمرزکو ملنے والا چوزہ کی قیمت115روپے تک پہنچ گئی، پولٹری انڈسٹری مین استعمال ہونے والے ذرائع مہنگے ہونے سے ان گنت پولٹری فارمرز س انڈسٹری سے علحیدہ ہوگیے جس وجہ سے رسد میں نمایاں کمی ہوگئی جبکہ طلب میں اضافہ ہوگیا۔
پولٹری انڈسٹری میں استعمال ہونے والی ہر چیز مہنگی ہوگئی،پیداواری لاگت میں اضافہ کی وجہ سے مرغی کے گوشت کی قیمت میں اضافہ ہوا ہے، بجلی گیس کے قیمت میں اضافہ کے علاوہ ٹیکس میں بھی اضافہ ہوا ہے۔
مرغی کی قیمت میں غیر معمولی اضافہ سے عوام سخت پریشان ہین، عوام نے حکومت سے مطالبہ کیا ہے کہ مرغی کے گوشت کی قیمت میں کمی کے لئے فوری اقدامات کئے جائیں۔