ایک نیوز: چیف جسٹس آف پاکستان جسٹس یحیٰ آفریدی سے اٹلی کی سفیر نے ملاقات کی ہے۔
اعلامیہ کے مطابق ملاقات میں سپریم کورٹ پاکستان اور اٹلی کے درمیان عدالتی تعاون پر تبادلہ خیال کیا گیا ، اٹلی اور پاکستان کے عدالتی نظام میں یکسانیت پر تفصیلی گفتگو ہوا، عدالتی تبادلے اور تربیتی پروگراموں پر غور کیا گیا۔
اس موقع پر چیف جسٹس یحیٰ آفرید ی نے "کمرشل لٹیگیشن کوریڈور" کے قیام کا اعلان کردیا۔
انہوں نے کہا تجارتی تنازعات کے فوری حل سے معیشت کو فروغ ملے گا، پاکستانی عدلیہ آئین کی تشریح میں کلیدی کردار ادا کرتی ہے، پاکستانی عدالتی اصلاحات میں شفافیت اور عوامی شمولیت ضروری ہیں۔
اطالوی سفیر نے عدالتی اصلاحات میں تعاون کی یقین دہانی کراتے ہوئے کہا پاکستانی برادری اٹلی میں اہم کردار ادا کر رہی ہے۔