ایک نیوز: میانوالی میں مبینہ طور پر 6 سالہ طالب علم سکول کے جھولے سے گر کر جاں بحق ہو گیا۔
رپورٹ کے مطابق مبشر مومن کا والد محمد ادریس غریب محنت کش ہے اور ریڑھی لگاتا ہے۔بچے کو ڈسٹرکٹ ہیڈ کوارٹر ہسپتال پہنچانے کی کوشش کی گئی لیکن ہسپتال پہنچنے سے پہلے ہی جان کی بازی ہار گیاہے۔
واضح رہے کہ خانپور میں تیز رفتار ٹریلر کی زد میں آ کر 5 طالب علم جاں بحق ہو گئے تھے۔ تیز رفتار ٹریلر کی ٹکر سے آںے والے حادثہ میں ایک شخص شدید زخمی ہوا تھا جسے ہسپتال منتقل کر دیا گیا تھا۔حادثہ کے ایل پی روڈ پر سردار گڑھ کے نزدیک پیش آیا تھا۔ جاں بحق ہونے والے طلباء کی عمریں 5 سے 8 سال تک تھی۔جاں بحق ہونے والے طلباء سردار گڑھ ہائی سکول میں زیر تعلیم تھے۔طلباء موٹر سائیکل پر سوار ہو کر چھٹی کے وقت گھر جا رہے تھے کہ حادثہ ہو گیا ۔
بہاولپور میں وین کی ٹکر سے موٹر سائیکل سوار 3 طالب علم جاں بحق ہوگئےتھے۔ اوکاڑہ میں ستلج سکول کے سامنے دو آٹو رکشہ کی آپس میں ٹکر سے پانچ طالبات سمیت 7 بچے زخمی ہوئے تھے۔ بہاولپور کے علاقے یزمان میں وین نے موٹر سائیکل کو ٹکر مار دی تھی جس کے نتیجے میں موٹر سائیکل سوار سکول کے 3 بچے جاں بحق ہوگئے، حادثے کے بعد وین ڈرائیور موقع سے فرار ہوگیا تھا۔