ایک نیوز: (چودھری اشرف) قومی ٹیم کے سابق کپتان سرفراز احمد نے کہا ہے پاکستان چیمپئنز ٹرافی کا ٹائٹل جیتنے کی صلاحیت رکھتا ہے ۔
سابق کپتان سرفراز احمد نے سری لنکا جانے والے سکواڈ کے کنڈیشننگ اینڈ اسلکلز ڈویلپمنٹ ٹریننگ کیمپ کا دورہ کیا ،انہوں نے پاکستانی فزیکل ڈس ایبلٹی ٹیم کی کرکٹنگ اسکلز کی کاوشوں کو سراہا ،آئندہ ماہ 12 جنوری سے سری لنکا کے شہر کولمبو میں شروع ہونے والے فزیکل ڈس ایبلٹی چیمپنز ٹرافی ٹی 20 مقابلے کے لیے نیک خواہشات کا اظہار کیا ہے ۔
اس موقع پر سابق کپتان سرفراز احمد نے کھلاڑیوں سے گفتگو کرتے ہوئے کہا کہ چیزوں کو سادہ رکھیں اور محنت کے ساتھ مثبت کرکٹ کھیلیں اور اپنی بہترین کارکردگی کا مظاہرہ کریں، میری نیک تمنائیں آپ کے ساتھ ہیںو میں پی ڈی کرکٹ کو کافی ٹائم سے جانتا ہوں اور اس سے قبل بھی میں قومی پی ڈی ٹیم کے مختلف کیمپوں کے دورہ کیےہیں ۔
سرفراز احمد نے مشورہ دیا کہ کسی بھی صورت حال میں گھبرائیں نہیں اور چیزوں کو سادہ رکھیں، "مجھے یقین ہے کہ پاکستان چیمپئنز ٹرافی کا ٹائٹل جیتنے کی صلاحیت رکھتا ہے کیونکہ آپ لوگوں نے بھی ہر جگہ شاندار کارکردگی کا مظاہرہ کیا ہے ۔