ایک نیوز: سی ٹی ڈی نے کارروائی کرتے ہوئے انٹیلی جنس بیسڈ آپریشن کے دوران 16 دہشت گرد گرفتار کر لیے۔
کارروائی لاہور ،بہاولپور ،منڈی بہاؤدین ،میانوالی، ٹوبہ ٹیک سنگھ،رحیم یار خان ،چنیوٹ ،وہاڑی میں کی گئی، لاہور سے فتنہ الخوارج کا 1 خطرناک دہشت گرد عمر اسلحہ اور باروی مواد سمیت گرفتار کیا گیا، دہشت گرد کا تعلق شمالی وزیرستان سے ہے ۔
سی ٹی ڈی پنجاب کا کہنا تھا کہ دہشت گردوں سے دھماکہ خیز مواد،آئی ای ڈی بم 1،ڈیٹونیٹر 3،حفاظتی فیوز تار 12فٹ ، پمفلیٹ نقدی اور برآمدہوئے،دہشت گردوں کی شناخت طفیل ،صدیق ،شبیر الحق ،محمد ابراہیم ، عبدالرشید ،عمر ،صدام حسین ،وقار مرتضی ،عدنان وغیرہ کے نام سے ہوئی ، دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے ۔
حکام کا کہنا ہے کہ رواں ہفتے میں 4480 کومبنگ آپریشنز کے دوران431 مشتبہ افراد گرفتار کیے ، کومبنگ آپریشنز میں144842 افراد سے پوچھ گچھ کی گئی ،ی ٹی ڈی محفوظ پنجاب کے ہدف پر عمل پیرا ہے ، دہشت گردی کے ناسور کو جڑ سے اکھاڑ پھینکنے کے لیے پرعزم ہیں۔