ویب ڈیسک: اوکاڑہ میں تھانہ اے ڈویژن کی حدود القدوس ٹاؤن میں گن پوائنٹ پر 12 سالہ گھریلو ملازمہ کے ساتھ زیادتی کا واقعہ پیش آیا ہے۔ حسنین نامی ملزم زیادتی کے ساتھ ساتھ ویڈیو بھی بناتا رہا۔
تفصیلات کے مطابق متاثرہ لڑکی کی والدہ کی جانب سے تھانہ اے ڈویژن میں دائرہ کردہ درخواست میں مؤقف اختیار کیا گیا ہے کہ ان کی 12 سالہ بیٹی کو اوباش نوجوان حسنین نے گھر میں گھس کر اسلحہ کے زور پر زبردستی زیادتی کا نشانہ بنا ڈالا۔
ایف آئی آر کے مطابق ملزم اس گھناؤنے فعل کی ویڈیو بھی بناتا رہا ہے اور پانچ مرتبہ ویڈیو وائرل کرنے کی دھمکی دے کر زیادتی کا نشانہ بنایا ہے۔
پولیس تھانہ اے ڈویژن نے درخواست پر کارروائی کرتے ہوئے متاثرہ لڑکی کو میڈیکل کے لیے اسپتال منتقل کرکے میڈیکل حاصل کرلیا۔
میڈیکل میں ڈاکٹرز نے لڑکی کے ساتھ زیادتی کی تصدیق کردی۔
پولیس نے دائر درخواست پر مقدمہ درج کرکے مفرور ملزم حسنین کی گرفتاری کے لیے چھاپے مارنے شروع کردیے ہیں۔
اس حوالے سے ڈی ایس پی ہیڈ کوارٹر مہر محمد یوسف کا کہنا ہے کہ متاثرہ فیملی کو ہر صورت انصاف فراہم کرتے ہوئے ملزم کے خلاف سخت سے سخت قانونی کارروائی کی جائے گی۔