ایک نیوز نیوز: اینٹی نارکوٹکس فورس نے لاہور میں ادویات کی آڑ میں منشیات تیار کرنے والی فیکٹری پرچھاپہ مارا۔
تفصیلات کے مطابق اینٹی نارکوٹکس فورس نے ادویات کی آڑ میں منشیات تیار کرنے والی فیکٹری پکڑ لی، مالک سمیت تمام ملزمان گرفتار، فیکٹری میں تیار ہونے والی منشیات تعلیمی اداروں میں فروخت ہونے کا انکشاف بھی ہوا ہے۔ادویات کی آڑ میں تیار ہونے والی منشیات تعلیمی اداروں میں طلباء کو فروخت کی جاتی تھی۔اے این ایف ہیڈ کوارٹرز راولپنڈی ترجمان نے بتایا کہ خفیہ اطلاع پر لاہور میں ادویات تیار کرنے والی فیکٹری پر چھاپا مارا گیا۔ملزمان ممنوعہ کیمیکل کیٹامائن سے منشیات تیار کررہے تھے، فیکٹری سے 50 کلو کیٹا مائن، دو گاڑیاں بھی قبضے میں لے لی گئیں۔
ترجمان اے این ایف کا کہنا تھا کہ ملزمان دیگر فارما کمپنیوں سے دواسازی کی آڑ میں کیٹامائن خرید کر منشیات بناتے اور اسمگلرز کو بیچتے تھے۔ادویات کی آڑ میں تیار ہونے والی منشیات تعلیمی اداروں میں طلباء کو فروخت کی جاتی تھی، ملزمان کے خلاف مقدمہ درج کرلیا مزید تحقیقات کی جارہی ہیں۔