ملک ڈیفالٹ کر چکا،بدنامی کے ڈر سے اعلان نہیں کر رہے:مسرت جمشید

ملک ڈیفالٹ کر چکا،بدنامی کے ڈر سے اعلان نہیں کر رہے:مسرت جمشید
کیپشن: ملک ڈیفالٹ کر چکا،بدنامی کے ڈر سے اعلان نہیں کر رہے:مسرت جمشید

ایک نیوز نیوز: ترجمان وزیر اعلیٰ و پنجاب حکومت مسرت جمشید چیمہ نے کہا ہے کہ ملک ڈیفالٹ کر چکا، بدنامی کے ڈر سے اعلان نہیں کر رہے، سفارت خانوں کے پاس تنخواہوں کے پیسے نہیں، ایک ایٹمی ملک کی اس حالت کی ذمہ دار امپورٹڈ حکومت ہے۔

ترجمان وزیر اعلیٰ و پنجاب حکومت مسرت جمشید چیمہ نے سماجی روابط کی ویب سائٹ ٹوئٹر پر جاری پیغام میں کہا کہ ‏آج شام کو چئیرمین پاکستان تحریک انصاف عمران خان کی کال پر لبرٹی چوک پر اہم جلسہ ہونے جا رہا ہے، جلسے سے سابق وزیر اعظم عمران خان اہم خطاب کریں گے، پاکستان کی معاشی حالت ہر دن بگڑتی جا رہی ہے، سیاسی استحکام کے بغیر کوئی بہتری ممکن نہیں، فوری الیکشن ہی واحد حل ہیں۔

انہوں نے کہا کہ ملک چلانے والے سب چور ارب پتی ہو گئے اور ملک اربوں ڈالر کا مقروض ہو گیا، شریف خاندان کے اکاؤنٹس میں کروڑوں روپوں کی ٹی ٹیاں آتی رہیں، عدالت کے پوچھنے پر جواب میں یہی کہتے رہے کہ پتہ نہیں، پیسے کہاں سے آ رہے تھے، صوبہ پنجاب، خیبر پختونخوا، کشمیر اور گلگت بلتستان کی رقوم وفاق نے ضبط کر لیں، فارن ریزرو 7 ارب ڈالر سے بھی کم رہ گئے، وہ بھی دوست ممالک کے ہیں، رجیم چینج سے جب عمران خان کو ہٹایا گیا اس وقت خزانے میں 22 ارب ڈالر تھے۔

مسرت جمشید چیمہ کا مزید کہنا تھا کہ ملک ڈیفالٹ کر چکا بدنامی کے ڈر سے اعلان نہیں کر رہے ہیں، سفارت خانوں کے پاس تنخواہوں کے پیسے نہیں، وزیر خارجہ بلاول بھٹو کے دوروں پہ 2 ارب خرچ ہو چکے ہیں، پاکستانی روپیہ ایشیا کی بدترین کرنسی بن چکا ہے، ایک ایٹمی ملک کی اس حالت کی ذمہ دار امپورٹڈ حکومت ہے۔

شیئر کریں:

JAWAD MALIK