"میں ہلالی ہوں"رونالڈو، بینزیما کے بعد نیمار بھی سعودی کلب میں شامل

ایک نیوز: برازیل کے سپر سٹار فٹ بالر نیمار نے سعودی عرب کے الہلال کلب سے معاہدہ کر لیا ہے۔

رپورٹ کے مطابق فٹبال اسٹار رونالڈو اور بینزیما کے بعد نیمار نے بھی سعودی کلب سے معاہدہ کر لیا ہے۔ برازیلین فٹ بال سپر اسٹار نیمار نے پیرس سینٹ جرمین  کو خیر باد کہہ کر سعودی پرو لیگ کے الہلال میں شمولیت اختیار کر لی ہے،۔

الہلال نے پیر س سینٹ جرمن کے ساتھ 90 ملین یورو  ٹرانسفر فیس پر اتفاق کیا، یہ رقم لیگ کیلئے ایک ریکارڈ ہو گی۔ نیمار کو دو سال کے معاہدے کی پیشکش کی گئی ہے جس کے تحت  برازیلی اسٹار کو 100 ملین ڈالر سالانہ تنخواہ ادا کی جائے گی جو کہ کرسٹیانو رونالڈو کی تنخواہ کا نصف ہے۔  معاہدہ کے مطابق نیمار کو 10 کروڑ  یورو سالانہ تنخواہ، سوئمنگ پول کے ساتھ 25 کمروں کا گھر، پانچ ملازم، بینٹلے، ایسٹون مارٹن اور لیمبورگنی گاڑی، ہوٹل ریسٹورنٹس کے تمام بل اور سوشل میڈیا پر سعودی عرب کی پروموشن پر 5 لاکھ یورو ملیں گے۔

نیمار نے الہلال کے سوشل میڈیا اکاؤنٹس پر پوسٹ کی گئی ایک ویڈیو میں کہا"میں یہاں سعودی عرب میں ہوں، میں ہلالی ہوں۔

شیئر کریں:

Hasan Moavia